Fametrahana misaraka amin'ny tambazotra
Ny fametrahana maivana lazaina eto dia ireo izay vahaolana amin'ny filàna tsotra andavan'andro ao an-tokantrano ary misaraka amin'ny tambazotra.
Mila manao fantina vitsivitsy ihany rehefa manao kajy fa ankoatry ny toetra teknika sy ny vidiny, dia miankina be dia be amin'izay fitaovana misy eo amin'ny tsena koa ny fantina.
Amin'ny ohatra eto ambany dia heverina fa:
- midanika mandritra ny 6 ora farafahakeliny isan'andro mandritra ny taona ny masoandro;
- bateria afaka mandany fahana hatramin'ny 60% isan'andro (
DoD) (mbola lafo ny bateria tsara kalitao mahavita izany, ka raha tsy azo antoka izay misy eo an-toerana dia aleo mampiasa 40% farafahabetsany);
- fizakan-tena (
autonomy): 1 andro (toy ny eo ambony dia mbola lafo ny bateria mampiasa litiôma izay mahazaka fahana & fandaniam-pahana isan'andro). Azo atao tsara ny mametra ho 2 na 3 andro ny fizakan-tena saingy mampitombo ny isan'ny bateria ilaina izany.
- ahafahana mamahana feno ny bateria io masoandro mandritra ny 6 ora io;
1 - Tanjaka ilaina
Ny fanombanana tanjaka ilaina no faritana voalohany ary araka ny fitaovana sy ny faharetan'ny fampiasana io fitaovana io no ahafantarana ny filàna isan'andro.
Ny tanjaka misoratra amin'ny fitaovana elektrika sy elekrônika dia azo anombanana ny tanjaka ilaina. Milaza ny salany amin'ny fampiasana mandritra ny ora iray izy io. Misy fotoana izany mihoatra (indrindra ny môtera vao ihodina) na latsaka (laptôpy feno fahana ohatra).
Azo ampiasaina koa ny fanjifana KWh misoratra amin'ny faktioran'ny jiro isam-bolana.
(*) misy hodina tariby; (**) raha fitaovana namboarina 12V, 24V, na 48V natao handeha amin'ny masoandro dia apetraka mivantana amin'ny kôntrôlera
| # |
Fitaovana (230V) |
Tanjaka (a) |
Fampiasana (b) |
Totaliny (d) |
| 1 |
Jiro LED (rehetra) |
80 W |
5 ora |
400 Wh |
| 2 |
Vata fampangatsiahana (*)(**) |
100 W |
8 ora |
800 Wh |
| 3 |
Milina fanjairana (*) |
70 W |
2 ora |
140 Wh |
| 4 |
TV fisaka |
40 W |
4 ora |
160 Wh |
| 5 |
Radio / CD |
20 W |
5 ora |
100 Wh |
| 6 |
Laptôpy |
80 W |
4 ora |
320 Wh |
| 7 |
Paompin-drano (*)(**) |
500 W |
1 ora |
500 Wh |
| 8 |
Samihafa |
40 W |
5 ora |
200 Wh |
|
|
930W |
|
2,620 Wh |
2 - Invertera
Ny tambatry ny tanjaka rehetra isan'ora (a) no mamaritra ny tanjaka ilaina amin'ny invertera. Raha heverina fa miaraka mandeha amin'ny fotoana iray daholo ny fitaovana rehetra dia 930W ny tambatry ny tanjaka trohany mandritra ny ora iray. Salany io ka mila maka bahana 20% hatramin'ny 50% arakaraka ny fitaovana. Invertera manana tanjaka mitohy (continuous power) 1,395W (930W*1.5) farafahakeliny araka izany no ilaina
- invertera manome tanjaka mitohy
2,000W na 2KW (tanjaka fambosiana -
surge 4KW) dia ahafahana manana bahana tsara sy manampy fitaovana;
- satria misy fitaovana mampiasa hodina tariby (kômpresera, môtera etc.), dia invertera mamoaka rianaratra miendrika
ombam-pivohitra tena izy (
pure sine, pure sinus) no azo antoka kokoa (azo atao tsara kosa ny mampiasa square wave raha fitaovana tsy misy hodina tariby);
- 12V na 24V dia mety ary miankina amin'izay ny bateria sy ny kôntrôlera
- raha atao hoe 85% ny sanda-mahefan'ny invertera dia 2400W izany ny tanjaka ilainy ahazoana manome tanjaka mitohy 2000W (2KW / 0.85 = 2.4KW) ao anatin'ny ora iray.
3 - Bateria
Ny tambatry ny tanjaka rehetra mandritra ny faharetan'ny fotoana iasan'ny fitaovana (b), (d) sy ny halalin'ny fandaniam-pahana no mamaritra ny fiatin'ny bateria ilaina eto . Eto dia 2,620Wh izany tambatra izany ary raisina ho 60% ny DoD (*).
(*) Vitsy karazana sady mbola lafo ny bateria mahazaka DoD mihoatra ny 60% isan'andro ary tsy mampateza bateria izany. Rehefa tsy azo antoka ny toetran'ny bateria dia aleo manombana DoD 40% farafahabetsany mba hampateza azy.
4 - Takelaka
Ireto izany no mpihazaka sy kajy mamaritra izay toetra teknika takiana amin'ny takelaka:
- heverina fa midanika tsara ny masoandro manomboka amin'ny 10 ora maraina ka hatramin'ny 4 ora tolakandro ary ahazoana angôvo ampy ilaina amin'ny famahanana bateria, izany hoe
maharitra 6 ora ny famahanana;
- bateria 5.2KWh lany fahana hatramin'ny DoD 60% no ho fahanana feno, izany hoe fahana 3.12KWh (5.2KWh * 0.60) no mila fenoina ao anatin'ny 6 ora;
- araka izany dia
tanjaka 520W isan'ora no ilaina amin'ny takelaka (3.12KWh / 6h = 520W);
- izany tanjaka 520W izany dia azo avy amin'ny vondrona misy takelaka vitsivitsy. Ireto misy ohatra:
- 2 * mônokristalina 72 280W (2 * 260W = 560W): atohy mirazotra; mety amin'ny bateria 12V sy 24V;
- 2 * mônôkristalina 60 270W (2 * 270W = 540W): atohy mirazotra; mety amin'ny bateria 12V;
- 3 * mônôkristalina 36 180W (3 * 180W = 540W): atohy mirazotra; mety amin'ny bateria 12V;
- 1 * mônôkristalina 96 550W : fametraka amin'ny bateria 24V;
- sns.
Mila miaraka ny safidy amin'ny takelaka sy ny kôntrôlera. Noho izany dia mila fantina vitsivitsy amin'ny karazana takelaka araka ny kajy mba ahazoana mampitaha amin'izay kôntrôlera mety, mora sy misy eo amin'ny tsena.
5 - Kôntrôlera
Ireto indray ny mpihazaka sy kajy mamaritra ny fifantenana ny kôntrôlera:
- ny tanjaky ny takelaka mety ho very: raha 28% ny tanjaka very amin'ny fampiasana kôntrôlera PWM amin'ny takelaka 36, midika ho 147W izany amin'ny takelaka manome 525W. Betsaka izany ka ny
kôntrôlera MPPT so safidy eto;
- rianaratry ny bateria: ny fenitra misy eo amin'ny tsena dia 12V, 24V ary 48V (mety ho iray ireo na natohitohy). Raha bateria 12V no nofidiana eto dia
kôntrolera 12V izany no mety;
- vaikanaratry ny takelaka (na vondron-takelaka): mila mahazaka ny vaikanaratra mafy indrindra avy any amin'ny takelaka ny kôntrôlera. Tondroina amin'ny
Isc io vaikanaratra io amin'ny toetra teknikan'ny takelaka (ho an'ny vondrona dia atambatra ny
Isc rehetra raha mirazotra ny fanohizana ny takelaka, ary
Isc an'ny takelaka iray no iraisana raha atohy mitandahatra). Toy izany koa ny rianaratra mafy indrindra izay tondroina amin'ny
Voc. Amin'ireo ohatra teo amin'ny takelaka dia ireto ny vaikanaratra mifanaraka:
- 2 * môno 72 280W atohy mirazotra: Isc = 2 * 8.35A = 16.70A / Voc= 45V
- 2 * mônô 60 270W atohy mirazotra: Isc = 2 * 9.28A = 18.58A / Voc =38.40V
- 3 * mônô 36 180W atohy mirazotra: Isc = 3 * 9.87A = 29.61A / Voc =23.90V
- 1 * mônô 96 500W : Isc = 1 * 11.46A / Voc = 59.16V
- sns.
Ny ankamaroan'ny kôntrôlera matanjaka eo amin'ny tsena dia mazahaka Voc=60V ka tsy olana loatra ny fifantenana. Eo amin'ny Isc kosa dia 10A, 15A, 20A, 30A, 40A sns. no misy. Mila mahazaka izay vaikanaratra nofidiana koa ny bateria fahanana.
Raha 24V ny bateria dia ilay vondron-takelaka "2 * mônô 72" no vahaolana. Raha 12V kosa dia ilay "2 * mônô 60" no tsara satria:
- mora kokoa ilay takelaka 60 noho ny 72 nefa ny tanjaka tsy mifanalavitra;
- mety mitovitovy vidy amin'ilay "3 * mônô 36" sy mitovy velarana, kanefa mora kokoa ny kôntrôlera 20A ilain'ilay 60 noho ny kôntrôlera 30A ilain'ilay 36. Raha mahatakatra 30A ihany dia afaka manampy takelaka 60 iray any aoriana. Ny fametrahana 36 koa mampitombo ny masonkarena, indrindra raha hanitatra any aoriana;
Fehiny, takelaka mônôkristalina 60 roa manana tanjaka 270W avy miaraka amin'ny kôntrôlera MPPT 12V, 20A dia ampy raha mampiasa bateria 12V (raha bateria 24V kosa dia ilay mônôkristalina 72 roa manana tanjaka 250W sy kôntrolera MPPT 24V, 20A).
Raha mihevitra ny hanitatra any aoriana ka misy ny enti-manana dia aleo miomana sahady amin'ny kôntrôlera 30A na 40A araka izay takatra sy ny filàna any aoriana.
| singa |
isa |
vidiny (Ar) |
tambany (Ar) |
| invertera |
1 |
800,000 |
800,000 |
| 12V DC - 230V AC 50Hz; Pure Sine Wave; 2000W continuous; 4000W surge |
| bateria |
4 |
1,100,000 |
4,400,000 |
| C20 @106Ah; C10 @ 100Ah; C5 @ 92Ah; 1200 cycles @ 60%; 410x172x225mm; 36Kg; |
| takelaka |
2 |
500,000 |
1,000,000 |
| mônôkristalina 60 @ 270W; sanda-mahefa 17%; Imp 8.6A; Vmp 31.4V; Isc 9.28; Voc 38.4V; habe 165x99.2x4cm; lanja 19Kg; fahatezana 90%: 12taona; 80%: 25taona; |
| kôntrôlera |
1 |
450,000 |
450,000 |
| MPPT; 40A 12/24V Auto; max PV 100V; 228x164x55mm; 1.3Kg |
|
|
tambany |
6,650,000 |
Arakaraka ny toerana, dia mbola miampy ny vidin'ny fiarovana (mpanapa-tena, halatra, sns), ny tariby, saran'ny fitaterana sy fametrahana, sns.
